Eit fint utsiktsbilete, men utan snøv.

Her er padleruta for denne dagen.

På ein elles kald og guffen haustdag vart eg invitert på padletur. Eldar og Jon Oli skulle lufte kajakkane sine og ville gjerne ha selskap. Eg var litt usikker grunna været men bestemte meg for å bli med, det var lenge sida sist eg padla.

Vi 3 er sers privilegerte som kan sette utpå så tili på dagen. Om hausten er dagane korte og sola ikkje mykje til hjelp. Dermed arrangerar vi ikkje klubbturar grunna krav til utstyr. Vi har alle Tørrdrakter og er trygge på å kunne redde kvarandre om uhelle skulle vere ute. Å padle i så kaldt vatn utan tørrdrakt og kunnskap om redning er direkte livsfarlig…..

Då eg pakka bilen var det verken lyst ute eller skyfritt. Nysnøen dekka vegane og haustdagen minte meir om midt vinters. Kanskje vi kan ake litt med kajakken i dag

Vi møtte kvarandre ved småbåthamna på Dimna ved Ulsteinvik. Midt i den maritime klynga med skipsverft rundt om. Medan vi lessa av bilane og rigga oss klar, kom sola meir å meir til syne. Dette blir noko ein fin hausttur alikavel.

Like etter skutene kasta loss fekk vi auge på ei ørn som kvila i tretoppen. For min eigen del eit mindre vanleg syn, anna en gjennom Sunnmørspostens webcam. Den unge ørna forhold seg nokså roleg å skifta enkelt tretopp då vi kom litt for nærme.

Etter ei naturoppleving kjem som regel verkelegheita fort attende. Ikkje lett å oversjå eit nybygg større en verftet som bygg dei. Perspektivet frå ein kajakk er også noko eige. Eg som sjømann blir like lett fasinert av størrelsane som andre. Noko så stort og menneskebygd, flyt nesten utan å forflytte vatn.

Men unge til sins som vi e, går tankane fort over på leik å moro

Ferdig med leiken og håpet om aketur skrota. Jekk trearbanden inn for landing på ein liten holme rett vest for Spjøtøya. Det blei kaffi-koking og ein liten lapskaus. Litt padlepreik om laust å fast medan vi slikka dei få solstrålane hausten unna oss.

Undervegs oppdaga Eldar mi usedvanlige lave vasslinja. Eg tok til motmæle om alle skulsmål angåande lastinga, men kunne ikkje heilt forstå det faktum at kajakken var heilt full av sjø i akterkabinen. Ikkje noko stort mysterium då vi jekk i land å fekk sjå eit HÅL som lensa kajakken min nokså effektivt. Løysing blei den gode gamle “gaffa” teipen. Problemet løyst og akterkabinen redda for no. Dermed må min elskede leggast i tørrdokk for utbetring. Må vel takke Jon Olli for lensing undervegs (mi pumpe blei då ikkje med på denne turen)

Retur jekk rimelig effektivt grunna to personar med utvida familie ansvar. God trening på framdriftstak økte kroppstemperaturen betydelig inn mot småbåthamna. Dette gjore godt i rusten padlemuskulatur.

Sjølv med sol frå oven og ein nesten utelukka vind denne dagen, padla eg lenge med hue og vottar for ikkje å fryse. Ikkje noko minus det, men ein kan ikkje poengtere ofte nokk behovet for gode klede denne tida på året. Eg padlar i tørrdrakt, men sliter med kalde føte grunna lateks-sokk (i staden for tøy) i kombinasjon med våte neoprensko bør turen ikkje bli lengre enn denne dagen.

Tankar:

• Sikkerheitsutstyret må ein alle tide ha med. Denne turen hadde eg gløymt att pumpa, det kunne gitt meg store problem ved eit anna vær og føre.
• Glasfiber er min favoritt sjølv med fleire skadar på rullebladet. Med “gaffa” teip i sekken kan det meste reddast.
• Klesdrakta i kaldt vær er viktig!!!

Sidan før Herøy Kajakk Klubb blei offisielt stifta, arrangerte Tor Inge Warholm sommar samling på Varholmen. Ein litne værutsatt holme, ytterstute på Flåvær. Gjennom NPF sitt stadig voksande padleforum samla det seg entusiastiske padlarar frå nært og fjernt. Smalinga fekk internasjonal omtale og dermed var grunnen lagt for framtida. Sidan den gong har klubben vokse. Vi har fått tre nyutdanna aktivitetsleiarar og etter denne helga to nye. Medlemsmassen aukar kvart år og vi var på nytt klar for å fylle Warholmen med padleglede.

Herøy Kajakk Klubb starta planlegginga av samlinga og fekk raskt respons frå NPF. Dei ville arrangere fleire kurs på samlinga. Og ikkje lenge etter dukka det opp to store namn på instruktør lista. Dag Roland ville arrangere aktivitetsleiarkurs og Torbjørn Nordeide ville halde teknikkurs. Dette var det mange i og utafor klubben som gleda seg over. Nett desse to var med på å utdanne bautaane i HKK. Dermed kunne klubben vår skilte med kvalitets kurs, sosialt samvær og muligheita for umåteleg vakker vestlands natur. Fleire medlemar stilte seg disponible som hjelpe instruktørar og turleiarar. Planen var i hovudsak å imitere tidligare suksess. Lite fastspikra og mange muligheiter som:

• Lavterskeltur til den vakre Herøy Gard. Eit ynda naturområde med ein godt bevart middelalder gard, kystmuseum, utesene til vikingspelet ”Herøyspelet” og mange små holmar som ligg fint skjerma for storhavet. Dette er eit av våra stolte destinasjonar for tilreisande.
• Ein Rock and Roll tur til Hids-fest-i-dalen for dei som ikkje er sletne av dagen. Dette er ein ung festival som blir arrangert for 2. året på rad. Oppe i ein dal, der ingen skolle tru rocken kunne herje. Ei muligheit for dei som ikkje skulle på kurs.
• Rullekurs var også på planen for mulige utfordringa til deltakarane.

Fredagen starta, om ikkje heilt perfekt, med litt trollsk tåke liggande lavt rundt dei mektige fjella. Ein kunne skimte storhavet langt der ute, og alle håpte sola ville trengje seg fram. Vi var dessutan så opptekne med å organisere telt å anna bueiningar, att naturen fekk vente. Ikkje so mange møtte opp denne kvelden grunna arbeid og diverse logistiske utfordringa. Kursstart blei haldt neste morgon på Moltu, so flesteparten ville møte oss der. Ein gjeng frå Molde kom seg derimot heilt fram og fekk båttransport ut, men nokon av dei vart freista av området å sat seg helder i kajakken. HKKs leiar hadde fått med ei kasse med fersk laks (tusen takk Marine Harvest) og den skulle testgrillast. Der satt vi då, ytterstute på ein liten holme. Tåka hadde vår herre gjort av med, og grillmaten kunne nytast som hør og bør med knitring frå bål. Store smil såg ein i alle himmelretningar. Ja, no var samlinga offisielt satt.

Før fuglen kvitra, aula det med padlehungrige skjele både på Varholmen og på Moltu. Folk pakka i kajakkane, henta effektar og organiserte båttransport. Dagen starta med lettskya himmel og litt regn. Med andre ord ein heilt typisk sunnmørsmorgon. På Moltu hadde instruktørane kome og sette i gong dagens program. Ute på Warholmen organiserte Tor Inge turen til Herøy Gard som blei kjempe godt mottatt av samlingas deltakara. Dei påfølgande timane kan eg dessverre ikkje røpe. Dels grunna taushetsplikt og dels grunne for lite ordforråd. Ein må nesten oppleve slike dagar på eiga hand. Ikkje noko anna som er rettferdig overfor vårt kjære Herøy. Men eg kan no ikkje laver å henge ved nokon stikkort:

Lettskya lyseblå himmel. Ikkje for varmt, ikkje for kaldt men akkurat perfekt. Roleg hav med små late dønningar ut mot storhavet. Små skjer blir vaska om å om igjen av små bølgje. Kajakkar som sig fram mellom skjer, holma å urørt natur. Det heile omkransa av sunnmørsfjella og storhavet.

Er det noko Herøy kan so er det å vise seg frå sitt beste når tida er inne. Ein må bære trosse litt regn å anna rusk i uransaklege tide før det glimtar til med postkort-motiv i alle retningar ein snur hovudet. Det er på slike dagar eg løftar haka og tek inn alt det guds vakre natur har å by på. For ein må vær rask, på rett stad til rett tid, før det plutselig er over. Det er dette som gjer dei fine dagane i Herøy til rusmiddel for alle friluftselskarar.

Etter ein longe dag i kajakken er det som å ta av seg slalåmsko. Ein er litt støl og sliten med eit stort smil om munnen. Dette kunne vi beskue på samtlige av dei som kom i land på Warholmen. Folk myldra og fortalte om alle opplevingane dagen hadde gitt. Fleire hadde sin første tur i kajakk og andre sin beste naturoppleving. Ei stor gruppe hadde lært mykje nytt om kajakken, padleferdigheiter og gruppekontroll. Eg kan vel med handa på hjarte sei dette var ein meget vellukka sommardag i Herøy.

Og som kvelden før diska Herøy Kajakk Klubb opp med grilla laks, godt selskap og mykje padlesnakk. Dagens erfaringar blei delte og forventningane til neste dag vaks.

Søndagen starta på lik linje med laurdagen. Ein rolig sval morgon, litt skyer og med opning for sola her og der. Undertegnede måtte finne fram solkremen. Sjølv om sola ikkje skein frå skyfri himmel dagen før, hadde den fått virke på huda. Raud som ein nykokt hummar var vist fleire av oss. Enda ein herlig dag i kajakken venta. Herøy er mitt draumeland. Den finaste og mest ekstreme plassen du kan tenkje deg. Håpar eg møter deg på neste samling HKK arrangerar her ytterstute på Sunnmøre.

Christer Torvik

Nestleiar Herøy Kajakk Klubb

www.visitfosnavaag.no

www.heroykystmuseum.no

www.heroy.kommune.no

flickr album

• Kajakk: Rockpool Alaw
• Åre: Thygesen grønlandsåre/Werner Shuna
• Sikkerheit: slepeline, pumpe, reserveåre, naudpakke og vest
• Bekledning: Tørrdrakt (med 1 lag ull)

Har enkelt og grett kopiert mykje av teksta under frå Eldar ;o)

I dag var der to nybyrjarar som var klar for å prøve ut  dette med Padling. Ingen av dei hadde noko særleg erfaring så dette blei spanande. Vi brukte klubbens nyinnkjøpte kajakkar BD epsilon henholdsvis 200 og 300. Vi valgde å gjera det enkelt for nybyrjarane. sjøsettinga vart frå fjøresteinane nede på Gjerdet. Eldar satte ut først slik at han var sikring ved ein evt velt, undertegnede hjalp dei ombord slik at det heile gjekk smertefritt føre seg. Begge fant fort ballansen å alt var i skjønnaste orden, den eine av dei hadde litt problem med framdriftstaka medan den andre meistra dette heilt fint. Straks alle var på vatnet la vi kursen innover straumen mot ei lita vik som er heilt fortreffeleg å gå i land i. Eldar å framdriftslitaren blei liggande litt etter, løysinga vart sleping eit stykke. Noko motvilleg takka han ja til dette, å gleden var då stor for slepebåten. Taueøving er altid like kjekt, Eldar padla då med ei grønnlandsåre frå thygesen i ein Skim Dex . Han fant fort ut at ein liten Dex med ei lita thygesenåre ikkje er optimalt verkty for sleping av ein stor båt med ein stor førar i. Men sjølv om det blei ein del spinning med åras så gjekk det greit. Etter nokre hundre meter med spinning fekk han skifte åre med Meg. Eldar enda då opp med ei Werner shuna å det heile blei mykje betre. Dei siste hundre metera fram til vika kobla eg også på slepet. Prøvde om utsagne anngåande padleåra var sann. Ja, ein kan godt sei sleping på stilt hav med grønnlandsåre ikkje er det ultimate. Vel inne i vika blei slepet avslutta å nybyrjaren fek ta siste rest sjølv.

Strandhøgg, som det ofte er med meg og Eld på tur, er nesten aldri planlagd. Koseartikklane i form av kaffi og anna dig var heller labert. Vi klarar aldri å planlegge turane våra, dei blir ofte tatt på sparket med tilhøyrande mangel på hygge mat. I dag blei vi einige om at vi skal skjerpe oss på denne fronten, eg tenkjer tilbake på morgonturen vår på 15 km utan noko anna å bite i enn ein sjokolade på deling med gru. Då blei vi tome for energi å dei siste 5 km var eit blodslit.

Etter høgget la vi ut på tilbaketuren. Kajakken med hovudmotor vanskar blei slept store delar av turen fram og padla nesten heile vegen tilbake på eigenhand. Det gjekk trott, men med mykje oppmuntring fekk vi framgong alikavel. siste biten heiv Eldar han på slepp att og alt var berre fryd å gammen. Med måletta vegleiing frå Eldar tenkjer eg padleglea vil spire i den ferske sjømannen. Denne turen har utfordra oss på monge vis, og tankane straumar på for å utvikle beire nybyrjararturar. Må sei vi kom heilskinna fra turen tross lite niste.

Lengd på turen og gradering holdt mål. Ein passelig nybyrjarartur var det.

Tankar:

• Mat er viktig når ein fer på padletur. Legge til rette for meir planlegging, ta seg tid til å pakke niste (nok mat til alle)
• Bli aldri trygg på kor longt ein nybyrjarar kan padle, ved værskifte kunne vi fått ein tøff retur.
• Planlegge alternativ retur, nødhavn.

• Kajakk: Rockpool Alaw.
• Åre: Thygesen grønlandsåre/Werner Shuna.
• Sikkerheit: Slepeline, pumpe, reserveåre, naudpakke og vest.
• Bekledning: Sumarbekledning.

I dag skein sola. Det var godt og varmt i lufta, og en padletur frista meir en noken gong i år. Eg fekk besøk av Eld utpå dagen og etter mykje diskusjon om kajakkseter og gamme, fant vi været for fint til å ikkje dra på tur.

Eldar ville utpå for å teste kajakken ved det hellige navn, Romany, og det nye setet som han har, med stoltheilt, montert. Testturen måtte vi kombinere med matlaging for ein gongs skuld. Faktumet var no at det lakka mot middagstid og Eld hadde ein nyinnkjøpt espressokokar i bilen, dessutan så har vi mange turar med mindre velukka pauser. Vi måtte slå på stortromma å ta med stormkjøkken å legge ut på handel.

Gourmettur meny:

Forrett:

• Solskinspadling i lett bekledning

Hovudrett:

• Biffgryte med sopp, lauk, paprika type grøn og soltørka tomatar
• bada i ein fyldig fløytesaus servert med valgfri fløytepotet og Romanysalat

Dessert:

• Blodfersk espresso og Tines Creme brulee

Tilberedt i naturens vakre kjøkken

Så Karane la ut ifrå Toftestøa med fullpakka kajakkar og godt mot. Været var fortreffeleg å bekledninga perfekt (så sant vi ikkje havna i vatnet) Kryssinga mot Flåvær gjekk som ein draum, og Eldar var godt fornøgd med sete. Nokre finjusteringar må ein rekne med når ein moddar kajakk. Der er eg og Eld fulstendig enige i at det beste må ein lage/tilpasse sjølv

Vel framme på Store Sandøy pakka vi ut all mat og alle matlagingseffekter. Såg meir ut som ein ukesekspedisjon der det flaut av alt tenkeleg. Dette skulle bli bra, ja. Maten blei perfekt og settinga rundt strandhøgget kunne ikkje blitt beire. Ein stor takk til hovudkokken frå en skarve assistent. Ein god erfaring å få sjekka ut alt utstyret ein har opparbeida seg, dette skal gjerast oftare.

Etter nokre fyldige timar på land kom tida for å pakke saman å reise heim. Etter kryssinga blei det ei lita ykt med teknikktrening før Thomas Paulsen kom ramlande ut av eit naust for å sjå kva som no sto på. etter ein lang prat slengde vi båtan på taket å kjørte bor til Thomas for å fortsette praten, inspisere sjøbuda og poppanlegget i Artic Trucken. Alt i alt ein fin start på sommaren å standaren for framtidige turar er herved satt.

Tankar:

• Slik oppakning kan ein like. For satse på ein gylden middelveg for kåmande turar.
• Med to erfarne padlara som ferdast mykje ilag, blir det lite bekymringar og mykje hygge og prating. Særs høg kvalitetstur
• Utstyret for matlaging er botimot komplett for min eigen del. Henta monge gode kokke tips frå Eldar